Ager Chamka Muqaddar Khak Paye Rehrawan Ho Kar Naat Lyric in Urdu

Wednesday, March 20, 2024

اگر چمکا مقدر خاک پائے رہرواں ہو کر

چلیں گے بیٹھتے اُٹھتے غبارِ کارواں ہو کر

شب معراج وہ دم بھر میں پلٹے لا مکاں ہو کر

بہارِ ہشت جنت دیکھ کر ہفت آسماں ہو کر

چمن کی سیر سے جلتا ہے جی طیبہ کی فرقت میں

مجھے گلزار کا سبزہ رُلاتا ہے دُھواں ہو کر

تصور اس لب جاں بخش کا کس شان سے آیا

دلوں کا چین ہو کر جان کا آرامِ جاں ہو کر

کریں تعظیم میری سنگِ اَسود کی طرح مومن

تمہارے در پہ رہ جاؤں جو سنگِ آستاں ہو کر

دکھا دے اے خدا گلزارِ طیبہ کا سماں مجھ کو

پھروں کب تک پریشاں بلبل بے آشیاں ہو کر

ہوئے یمن قدم سے فرش و عرش و لامکاں زندہ

خلاصہ یہ کہ سرکار آئے ہیں جانِ جہاں ہو کر

ترے دست عطا نے دولتیں دیں دل کئے ٹھنڈے

کہیں گوہر فشاں ہو کر کہیں آبِ رَواں ہو کر

فدا ہو جائے امت اس حمایت اس محبت پر

ہزاروں غم لئے ہیں ایک دل پر شادماں ہو کر

جو رکھتے ہیں سلاطیں شاہی ٔجاوید کی خواہش

نشاں قائم کریں ان کی گلی میں بے نشاں ہو کر

وہ جس رہ سے گزرتے ہیں بسی رہتی ہے مدت تک

نصیب اس گھر کے جس گھر میں وہ ٹھہریں میہماں ہو کر

حسنؔ کیوں پاؤں توڑے بیٹھے ہو طیبہ کا رستہ لو

زمینِ ہند سرگرداں رکھے گی آسماں ہو کر

313+ Naat Lyrics in English & Urdu

پروردگار عالم کے فضل ، کرم اور مہربانی سے ، انسانی طاقت اور بساط کے مطابق احتیاط کی گئی ہے بشری تقاضے سے اگر کوئی غلطی نظر آئے یا لفظ درست نہ ہوں تو از راہ کرم مطلع فرما دیں۔ ان شاء اللہ عزوجل جلد از جلد میں ٹھیک کر دوں گا۔

نشاندہی کےلیے ہم آپ کے بے حد مشکور ہوں گے ۔ آپ کا بہت شکریہ

tajservices99@gmail.com

More Naat Lyrics: