Aaj Taiba Ka Hai Safar Aaqa Lyrics in Urdu

Friday, January 12, 2024

Naat Lyrics ll Aaj Taiba Ka Hai Safar Aaqa Lyrics in Urdu

آج طیبہ کا ہے سفر آقا

دے دو توشے میں چشمِ تر آقا

غمزدہ ہوں میں کس قَدَر آقا

تم کو میری ہے سب خبر آقا

مجھ کو بیماریوں نے گھیرا ہے

آپ ہیں میرے چارہ گر آقا

چند اَشکوں کے ماسِوا پلّے

کچھ نہیں تَوشۂ سفر آقا

تاجِ شاہی کا میں ، نہیں طالِب

کردو رحمت کی اِک نظر آقا

تیری الفت کا میں بھکاری ہوں

میرا کشکول جائے بھر آقا

قلبِ مُضطَر دو چشمِ تر دو اور

چاک سینہ تَپاں جگر آقا

’’چل مدینہ‘‘ کا وہ بھی لیں مُثردہ

جن کے پلّے نہیں ہے زَر آقا

کیا عمامے کی ہو بیاں عظمت

تیرے نعلین تاجِ سر آقا

تیرے ہوتے ہوئے بھلا کیوں ہو

وار دُشمن کا کارگر آقا

اِس طرح سے چھپا لو دامن میں

نہ عَدو کی پڑے نظر آقا

مُعترِف ہوں گناہ کرنے میں

کوئی چھوڑی نہیں کسر آقا

پھنس گیا ہوں گنہ کی دلدل میں

ہو کرم شاہِ بحروبر آقا

میں گنہگار ہوں مگر قرباں

تیری رحمت کی ہے نظر آقا

واسِطہ میرے غوثِ اعظم کا

ہر خطا کر دو در گزر آقا

تم اُسے بھی گلے لگاتے ہو

جس کو دُھتکارے ہر بشر آقا

میں جہنَّم میں گِر گیا ہوتا

نہ بچاتے مجھے اگر آقا

کاش! نیچی نظر رہے، بے کار

میں نہ دیکھوں اِدھر اُدھر آقا

جان چُھوٹے فُضُول باتوں سے

از پئے حضرت عمر آقا

مولٰی مشکلکشا کے صدقے میں

استِقامت دو دِین پر آقا

ازپئے مرشِدی ضِیاء الدّین

میرے دل میں بناؤ گھر آقا

کاش! اِس شان سے یہ دم نکلے

تیری دَہلیز پر ہو سر آقا

اِذن دیدو بقیعِ غَرَقد کا

تیرے جلووں میں جاؤں مَر، آقا

کیا بنے گا بجائے طیبہ کے

سندھ میں مر گیا اگر آقا

موت عطارؔ کو مدینے میں

آئے اب تو نہ جائے گھر آقا

313+ Naat Lyrics in English & Urdu

پروردگار عالم کے فضل ، کرم اور مہربانی سے ، انسانی طاقت اور بساط کے مطابق احتیاط کی گئی ہے بشری تقاضے سے اگر کوئی غلطی نظر آئے یا لفظ درست نہ ہوں تو از راہ کرم مطلع فرما دیں۔ ان شاء اللہ عزوجل جلد از جلد میں ٹھیک کر دوں گا۔

نشاندہی کےلیے ہم آپ کے بے حد مشکور ہوں گے ۔ آپ کا بہت شکریہ

tajservices99@gmail.com

More Naat Lyrics: