Muhammad Mustafa Noor e Khuda Naat Lyrics in Urdu

Monday, February 05, 2024

Muhammad Mustafa Noor e Khuda Naat Lyrics in Urdu

محمد مُصطفیٰ نورِ خُدا نامِ خُدا تم ہو

شَہِ خَیْرُ الْوَریٰ شانِ خُدا صَلِّ عَلٰی تم ہو

شکیبِ دل قرارِ جاں محمد مُصطَفیٰ تم ہو

طبیبِ دردِ دل تم ہو مرے دل کی دوا تم ہو

غریبوں درد مَندوں کی دوا تم ہو دُعا تم ہو

فقیروں بینَوائوں کی صَدا تم ہو ندا تم ہو

حبیبِ کِبرِیا تم ہو اِمَامُ الْاَنْبِیَآء تم ہو

محمد مُصطفیٰ تم ہو محمد مُجْتَبٰے تم ہو

ہمارے مَلجا و ماوا ہمارا آسرا تم ہو

ٹھکانہ بے ٹھکانوں کا شَہِ ہر دوسَرا تم ہو

غریبوں کی مدد بے بس کا بس رُوحی فِدا تم ہو

سہارا بے سہاروں کا ہمارا آسرا تم ہو

نہ کوئی ماہ وَش تم سا نہ کوئی مَہ جَبِیں تم سا

حَسِینوں میں ہو تم ایسے کہ محبوبِ خُدا تم ہو

میں صدقے اَنبیاء کے یوں تو محبوب ہیں لیکن

جوسب پیاروں سے پیاراہے وہ محبوبِ خدا تم ہو

حسینوں میں تمہیں تم ہو نَبِیُّوں میں تمہِیں تم ہو

کہ محبوبِ خُدا تم ہو نَبِیُّ الْاَنْبِیَآء تم ہو

تمہارے حُسنِ رنگیں کی جھلک ہے سب حَسینُوں میں

بہاروں کی بہاروں میں بہارِ جانفزا تم ہو

زمیں میں ہے چمک کس کی فَلک پرہے جھلک کس کی

مَہ خورشید سَیّاروں ستاروں کی ضِیا تم ہو

وہ لَا ثَانِی ہو تم آقا نہیں ثَانِی کوئی جس کا

اگر ہے دوسرا کوئی تو اپنا دوسرا تم ہو

ہُوَ الْاَوَّل ہُوَ الآخر ہُوَ الظَّاہر ہُوَ الْباطن

بِکُلِّ شَیْئٍ عَلِیْم لَوْحِ مَحفُوظِ خُدا تم ہو

نہ ہوسکتے ہیں دو اَوّل نہ ہوسکتے ہیں دو آخِر

تم اَوّل اور آخر، اِبتداء تم اِنتہا تم ہو

خُدا کہتے نہیں بنتی جُدا کہتے نہیں بنتی

خدا پر اِس کو چھوڑا ہے وہی جانے کہ کیا تم ہو

اَنا مِن حَامِد وَ حَامِد رضَا مِنِّی کے جلوؤں سے

بِحَمْدِ اللّٰہ رضا حامد ہیں اور حامدِ رضا تم ہو

313+ Naat Lyrics in English & Urdu

پروردگار عالم کے فضل ، کرم اور مہربانی سے ، انسانی طاقت اور بساط کے مطابق احتیاط کی گئی ہے بشری تقاضے سے اگر کوئی غلطی نظر آئے یا لفظ درست نہ ہوں تو از راہ کرم مطلع فرما دیں۔ ان شاء اللہ عزوجل جلد از جلد میں ٹھیک کر دوں گا۔

نشاندہی کےلیے ہم آپ کے بے حد مشکور ہوں گے ۔ آپ کا بہت شکریہ

tajservices99@gmail.com

More Naat Lyrics: