Aaj Hay Jashn e Wiladat Marhaba Ya Mustafa Lyrics in Urdu

Tuesday, January 23, 2024

Naat Lyrics ll Aaj Hay Jashn e Wiladat Marhaba Ya Mustafa Lyrics in Urdu

آج ہے جشنِ ولادت مرحبا یامصطَفٰے

آج آئے جانِ رحمت مرحبا یامصطَفٰے

آج ہے جشنِ ولادت مرحبا یامصطَفٰے

آج آئے جانِ رحمت مرحبا یامصطَفٰے

مرحبا مہرِ رسالت مرحبا یامصطَفٰے

مرحبا ماہِ نُبُوَّت مرحبا یامصطَفٰے

آمدِ شاہِ مدینہ مرحبا صد مرحبا

مرحبا اے جانِ رحمت مرحبا یامصطَفٰے

مرحبا آقا کی آمد مرحبا نورِ خدا

ہو گئی کافور ظلمت مرحبا یامصطَفٰے

آج دنیا میں وِلاد ت مصطَفیٰ کی ہو گئی

خوب چمکی اپنی قسمت مرحبا یامصطَفٰے

کعبہ سجدے کو جھکا بُت سارے اَوندھے گر پڑے

آگئی شیطاں کی شامت مرحبا یامصطَفٰے

آگئے سرکار ہر سُو بارشِ انوار ہے

جھومتے ہیں ابرِ رَحمت مرحبا یامصطَفٰے

چار سُو ہیں رحمتوں کی کیا چھما چھم بارِشیں!

آئے لمحاتِ مَسرَّت مرحبا یامصطَفٰے

مرحبا کی دھوم ڈالو سب پکارو مرحبا

جھوم کر اہلِ مَحَبَّت مرحبا یامصطَفٰے

آج گھر گھر روشنی ہے سبز پرچم ہیں بُلند

جھومتے ہیں اہلِ سنَّت مرحبا یامصطَفٰے

عیدِمیلادُالنَّبی تو عید کی بھی عید ہے

شادماں ہے خودمَسرَّ ت مرحبا یامصطَفٰے

جشنِ میلادُ النبی کی دھوم ہے چاروں طرف

مست ہیں اہلِ مَحَبَّت مرحبا یامصطَفٰے

خوب گاتی تھیں تَرانے دَف بجا کر بچیّاں

ہر طرف کہتی تھی خَلقت مرحبا یامصطَفٰے

آگئی اُٹّھو سُواری آمِنہ کے لال کی

ان سے مانگو ان کی الفت مرحبا یامصطَفٰے

لے کے کَشکَول اے فقیرو آمِنہ کے گھر چلو

مانگ لو جو چاہو نعمت مرحبا یامصطَفٰے

یانبی ! اپنی ولادت کی خوشی میں دیجئے

خلد میں اپنی رفاقت مرحبا یامصطَفٰے

واسِطہ تم کو ولادت کا مدینے میں جگہ

مجھ کو دیدو بَہرِ تُربَت مرحبا یامصطَفٰے

دے دو تم عطّارؔ کو عیدی میں چشمِ اشکبار

اپنا غم دو اپنی اُلفت مرحبا یامصطَفٰے

313+ Naat Lyrics in English & Urdu

پروردگار عالم کے فضل ، کرم اور مہربانی سے ، انسانی طاقت اور بساط کے مطابق احتیاط کی گئی ہے بشری تقاضے سے اگر کوئی غلطی نظر آئے یا لفظ درست نہ ہوں تو از راہ کرم مطلع فرما دیں۔ ان شاء اللہ عزوجل جلد از جلد میں ٹھیک کر دوں گا۔

نشاندہی کےلیے ہم آپ کے بے حد مشکور ہوں گے ۔ آپ کا بہت شکریہ

tajservices99@gmail.com

More Naat Lyrics: