Dil Mera GadGadti Rehi Naat Lyrics in Urdu

Sunday, February 04, 2024

Dil Mera GadGadti Rehi Naat Lyrics in Urdu

دل میرا گدگداتی رہی آرزُو

آنکھ پِھرپھر کے کرتی رہی جستجو

عرش تافرش ڈھونڈآیامیں تجھ کوتُو

نکلا اَقرَب زِ حَبلِ وَرید گَلُو

اللّٰہ ٗ اللّٰہ ٗ اللّٰہ ٗ اللّٰہ ٗ

طائرانِ چَمن کی چہک وَحْدَہٗ

نَغمہ بُلبُل کا ہے لَا شَریْکَ لَہ ٗ

قُمرِیُّوں کا تَرانہ ہے لَا غَیْرہٗ

زَمزَمَہ طوطی کا ھُوَ ہٗ ھُوَ ہٗ

اللّٰہ ٗ اللّٰہ ٗ اللّٰہ ٗ اللّٰہ ٗ

بُلبُلوں کو چمن میں رہی جُستجو

پپیہا کہتا پھرا’’پی کہاں ‘‘ سُوْ بسوْ

پر نہ چٹکا کہیں غنچۂ آرزُو

ہاں ملاتوملامیرے دل ہی میں تُو

اللّٰہ ٗ اللّٰہ ٗ اللّٰہ ٗ اللّٰہ ٗ

شاہِدانِ چمن نے لَبِ آب جو

آبِ گل سے نہاکرکے تازہ وضو

حلقۂ ذکر گل کے کیا رُو برو

اور لگانے لگے دم بَدم ضربِ ہُوْ

اللّٰہ ٗ اللّٰہ ٗ اللّٰہ ٗ اللّٰہ ٗ

رہ کے پردوں میں تُو جلوہ آرا ہُوا

بس کے آنکھوں میں آنکھوں سے پردہ کیا

آنکھ کا پردہ ، پردہ ہُوا آنکھ کا

بند آنکھیں ہوئیں تو نظر آیا تُو

اللّٰہ ٗ اللّٰہ ٗ اللّٰہ ٗ اللّٰہ ٗ

کعبۂ کعبہ ہے کعبۂ دل میرا

کعبہ پتھر کا دل جلوہ گاہِ خُدا

ایک دل پر ہزاروں ہی کعبے فدا

کعبۂ جان و دل کعبے کی آبْرُ و

اللّٰہ ٗ اللّٰہ ٗ اللّٰہ ٗ اللّٰہ ٗ

طُورِ سَیْنا پہ تُو جلوہ آراء ہُوا

صاف مُوسیٰ سے فرمادیا لَنْ تَرَا

اور اِنّیْٓ اَنا اللّٰہ شجر بول اُٹھا

تیرے جَلوُئوں کی نَیرنگیاں سُوبسو

اللّٰہ ٗ اللّٰہ ٗ اللّٰہ ٗ اللّٰہ ٗ

مجھ کو در در پھراتی رہی جستجو

ٹوٹے پائے طلب تھک رہی آرزُو

ڈھونڈتا میں پھرا کو بکو چار سُو

تھا رگِ جاں سے نزدیک تر دل میں تُو

اللّٰہ ٗ اللّٰہ ٗ اللّٰہ ٗ اللّٰہ ٗ

کون تھا جس نے سُبْحَانِی فرما د یا

اور مَا اَعْظم شَانِی کس نے کہا

بایزید اور بِسطام میں کون تھا

کب اَنا الْحَق تھی مَنصُور کی گفتگو

اللّٰہ ٗ اللّٰہ ٗ اللّٰہ ٗ اللّٰہ ٗ

یا الٰہی دکھا ہم کو وہ دن بھی تُو

آبِ زَم زم سے کرکے حَرم میں وضو

با ادب شو ق سے بیٹھ کے قبلہ رُو

مل کے ہم سب کہیں یک زباں ہُوبَہُو

اللّٰہ ٗ اللّٰہ ٗ اللّٰہ ٗ اللّٰہ ٗ

میں نے مانا کہ حامِد گُنَہگار ہے

مَعْصِیَت کِیش ہے اور خَطا کار ہے

میرے مولیٰ مگر تُو تو غَفَّار ہے

کہتی رحمت ہے مُجرِم سے لَاتَقْنَطُوْا

اللّٰہ ٗ اللّٰہ ٗ اللّٰہ ٗ اللّٰہ ٗ

313+ Naat Lyrics in English & Urdu

پروردگار عالم کے فضل ، کرم اور مہربانی سے ، انسانی طاقت اور بساط کے مطابق احتیاط کی گئی ہے بشری تقاضے سے اگر کوئی غلطی نظر آئے یا لفظ درست نہ ہوں تو از راہ کرم مطلع فرما دیں۔ ان شاء اللہ عزوجل جلد از جلد میں ٹھیک کر دوں گا۔

نشاندہی کےلیے ہم آپ کے بے حد مشکور ہوں گے ۔ آپ کا بہت شکریہ

tajservices99@gmail.com

More Naat Lyrics: