Aye Raza Martaba Kitna Hua Bala Tera Lyrics in Urdu

Friday, February 02, 2024

Aye Raza Martaba Kitna Hua Bala Tera Lyrics in Urdu

اے رضا مرتبہ کتنا ہوا بالا تیرا

ہند تو ہند عرب میں ہوا شُہرہ تیرا

نام اعلیٰ ہے تِرا حضرت اعلیٰ تیرا

کام اَولیٰ ہے ترا اے شَہہِ والا تیرا

کوئی کیا جانے بڑا کتنا ہے رتبہ تیرا

اَصفِیا چومنا چاہیں وہ ہے تلوا تیرا

کارِ تجدید ادا کرتا تھا خامہ تیرا

سر پہ باطل کا اُٹھا کرتا تھا تیغا تیرا

کتنا اونچا کیا اللّٰہ نے رتبہ تیرا

غَوثِ اعظم کو کیا آقا و مولیٰ تیرا

تیرے اچھوں نے کیاہے بڑا اچھاتیرا

پھر بھلا کیا کوئی بدخواہ کرے گا تیرا

نسبتِ آلِ رسُولی بھی عجب نسبت ہے

غوث تک لے گیا تجھ کو یہ وسیلہ تیرا

عمر کا تیرہواں سن ماہ دہم چار ہی دن

اتنی مدت میں ہوا علم کا چرچا تیرا

اس صدی کا تو مُجَدّدتو زمانے کا امام

اہلِ حق چلتے ہیں جس پہ وہ ہے رستہ تیرا

تجھ کو اللّٰہ نے ہر فضل عطا فرمایا

کون سا علم کہ جس میں نہیں حصہ تیرا

تجھ پہ ہے اک تَنِ بے سایہ کا ایسا سایہ

پھیلتا جاتا ہے ہر سمت اُجالا تیرا

اس زمانے میں کوئی تجھ سا نہ دیکھا نہ سُنا

غوثِ اعظم کی کرامت تھی سراپا تیرا

ہر جگہ مَنظرِ اسلام نظر آتا ہے

تیرا گھر کوچہ و بازار محلہ تیرا

آج تک بھی ترے شاگردکے شاگردوں سے

قصرِ باطل میں بلند ہوتا ہے نعرہ تیرا

مسلک حق کی ضمانت ہے ترا نام رضا

شانِ تحقیق ادا کر گیا خامہ تیرا

تیری ہر بات ہے آئینہ حق و باطل

تیرے ہر کام میں ہے رنگ نرالا تیرا

فاضل ایسا کہ دیا رب نے تجھے فضلِ کثیر

عالِم ایسا کہ ہر عالِم ہوا شیدا تیرا

ہر وَرَق تیرا شریعت کی دلیلِ روشن

ایک قانونِ مکمل ہے فَتاویٰ تیرا

تیری تحریرپہ انگشت بدنداں تھاعرب

تیری تقریر تھی کہ قادری تیغا تیرا

ترجمہ وہ کیا قرآن کا کنزالایماں

حشر تک جاری یہ فیضان رہے گا تیرا

تو نے عنوان یہ ایمان کا دنیا کو دیا

عشقِ سرکارِ دوعالَم تھا وظیفہ تیرا

میں رضا کار رہا تیرا سفر ہو کہ حَضر

نام ہر بار میں لیتا رہا آقا تیرا

کار نامہ تری تجدید کا اللّٰہ اللّٰہ

مسلکِ اہلِ سُنَن بن گیا رستہ تیرا

تو نے ایمان دیاتو نے جماعت دیدی

اہلسنت پہ ہے احسان یہ آقا تیرا

مصطفے کا ترے خادم ترے حامد کا غلام

خوشتر بندۂ دربار ہے تیرا تیرا

313+ Naat Lyrics in English & Urdu

پروردگار عالم کے فضل ، کرم اور مہربانی سے ، انسانی طاقت اور بساط کے مطابق احتیاط کی گئی ہے بشری تقاضے سے اگر کوئی غلطی نظر آئے یا لفظ درست نہ ہوں تو از راہ کرم مطلع فرما دیں۔ ان شاء اللہ عزوجل جلد از جلد میں ٹھیک کر دوں گا۔

نشاندہی کےلیے ہم آپ کے بے حد مشکور ہوں گے ۔ آپ کا بہت شکریہ

tajservices99@gmail.com

More Naat Lyrics: