Wo Soye Lala Zar Phirte Hain Lyrics in Urdu

Monday, January 01, 2024

Naat Lyrics ll Wo Soye Lala Zar Phirte Hain Lyrics in Urdu

وہ سُوئے لالہ زار پِھرتے ہیں

تیرے دِن اے بہار پِھرتے ہیں

جو تِرے در سے یار پِھرتے ہیں

در بدر یُوں ہی خوار پِھرتے ہیں

آہ کل عیش تو کیے ہم نے

آج وہ بے قرار پِھرتے ہیں

ان کے اِیما سے دونوں باگوں پر

خیلِ لیل و نہار پِھرتے ہیں

ہر چراغِ مزار پر قُدسی

کیسے پروانہ وار پِھرتے ہیں

اُس گلی کا گدا ہوں میں جس میں

مانگتے تاجدار پِھرتے ہیں

جان ہیں جان کیا نظر آئے

کیوں عَدو گِردِ غار پِھرتے ہیں

پُھول کیا دیکھوں میری آنکھوں میں

دشتِ طیبہ کے خار پِھرتے ہیں

لاکھوں قُدسی ہیں کام خدمت پر

لاکھوں گِردِ مزار پِھرتے ہیں

وردیاں بولتے ہیں ہرکارے

پہرہ دیتے سوار پِھرتے ہیں

رکھیے جیسے ہیں خانہ زاد ہیں ہم

مَوْل کے عیب دار پِھرتے ہیں

ہائے غافِل وہ کیا جگہ ہے جہاں

پانچ جاتے ہیں چار پِھرتے ہیں

بائیں رستے نہ جا مسافِر سُن

مال ہے راہ مار پِھرتے ہیں

جاگ سنسان بن ہے رات آئی

گُرگ بہرِ شِکار پِھرتے ہیں

نفس یہ کوئی چال ہے ظالم

جیسے خاصے بِجار پِھرتے ہیں

کوئی کیوں پُوچھے تیری بات رضاؔ

تجھ سے کتّے ہزار پِھرتے ہیں

313+ Naat Lyrics in English & Urdu

پروردگار عالم کے فضل ، کرم اور مہربانی سے ، انسانی طاقت اور بساط کے مطابق احتیاط کی گئی ہے بشری تقاضے سے اگر کوئی غلطی نظر آئے یا لفظ درست نہ ہوں تو از راہ کرم مطلع فرما دیں۔ ان شاء اللہ عزوجل جلد از جلد میں ٹھیک کر دوں گا۔

نشاندہی کےلیے ہم آپ کے بے حد مشکور ہوں گے ۔ آپ کا بہت شکریہ

tajservices99@gmail.com

More Naat Lyrics: