Shahid Gul Hai Masta Naz Naat Lyrics In Urdu

Wednesday, February 07, 2024

Shahid Gul Hai Masta Naz Naat Lyrics In Urdu

شاہد گل ہے مَست ناز حجلۂ نَوبہار میں

ناز و اَدا کے پھول ہیں پھولے گلے کے ہار میں

آئیں گھٹائیں ہُجوم کر عشق کے کوہسار میں

بارشِ غم ہے اَشکبار گریۂ بے قرار میں

عشق نے چھوڑ ی پھلْجڑی دل کی لگی بھڑ ک اٹھی

آتشِ گل کے پھول سے آگ لگی بہار میں

آنکھوں سے لگ گئی جھڑی بحر میں مَوج آگئی

سَیلِ سِرِشک اُبل پڑا نالَۂ قَلبِ زار میں

شوق کی چِیرہ دَسْتیاں دل کی اُڑائیں دھجیاں

وَحشتِ عشق کا سَماں دامنِ تار تار میں

بجلی سی اِک تڑپ گئی خِرمَنِ ہوش اُڑ گیا

بَرْق شَرارَہ بار تھی جلوئہ نورِ یار میں

تابِشِ رُخ سے چار چاند لگ گئے مِہر و ماہ کو

حسنِ اَزل ہے جلوہ ریز آئینۂ عِذار میں

کعبۂ اَبرُو دیکھ کر سجدے جبیں میں مُضْطرب

دل کی تڑپ کو چین کیا تاب کہاں قرار میں

شاہد گل ہے مُصطَفیٰ طیبہ چمن ہے جاں فَزا

گلشنِ قُدُس ہے کھلا صحنِ حریمِ یار میں

سُوسَن و یاسمن ، سمَن ، سُنْبُل و لالَہ نَسْتَرَن

سارا ہرا بھرا چمن پھولا اسی بہار میں

باغِ جِناں لہک اٹھا، قَصرِ جِناں مہک اٹھا

سیکڑوں ہیں چمن کھلے پھول کی اِک بہار میں

سارے بہاروں کی دلہن ہے مرے پھول کا چمن

گلشنِ ناز کی پھَبَن طیبہ کے خار خار میں

تم ہو حبیبِ کِبریا پیاری تمہاری ہر ادا

تم سا کوئی حسیں بھی ہے گلشنِ روز گار میں

نکلی نہ کوئی آرزو دل کی ہی دل میں رہ گئی

حسرتیں ہیں ہزار دفن قلب کے ایک مزار میں

خارِ مدینہ دیکھ کر وحشتِ دل ہے زور پر

دستِ جُنوں اُلجھ گیا دامنِ دل کے تار میں

ماہ تِری رِکاب میں ، نور ہے آفتاب میں

بُو ہے تِری گلاب میں رنگ تِرا اَنار میں

غنچۂ دل مہک اُٹھا موجِ نسیمِ طیبہ سے

رُوحِ شمیم تھی بسی گیسوئے مشک بار میں

شوق کی ناشکیبیاں سوز کی دل گدازیاں

وصل کی نامُرادیاں عاشقِ دلفگار میں

گردشِ چَشمِ ناز سے حامِد مَیگُسار مَست

رنگِ سُرُور و کیف ہے چشمِ خُمار دار میں

313+ Naat Lyrics in English & Urdu

پروردگار عالم کے فضل ، کرم اور مہربانی سے ، انسانی طاقت اور بساط کے مطابق احتیاط کی گئی ہے بشری تقاضے سے اگر کوئی غلطی نظر آئے یا لفظ درست نہ ہوں تو از راہ کرم مطلع فرما دیں۔ ان شاء اللہ عزوجل جلد از جلد میں ٹھیک کر دوں گا۔

نشاندہی کےلیے ہم آپ کے بے حد مشکور ہوں گے ۔ آپ کا بہت شکریہ

tajservices99@gmail.com

More Naat Lyrics: