Aa Gaye Hain Mustafa Lyrics in Urdu

Saturday, January 27, 2024

Naat Lyrics ll Aa Gaye Hain Mustafa Lyrics in Urdu

آگئے ہیں مصطَفیٰ صلِّ علٰی خوش آمدید

ہوگئے جلوہ نُما صلِّ علٰی خوش آمدید

سیِّد و سردارِ ما صلِّ علٰی خوش آمدید

رازدارِ کبریا صلِّ علٰی خوش آمدید

مالک و مختارِ ما صلِّ علٰی خوش آمدید

نائبِ ربُّ العُلیٰ صلِّ علٰی خوش آمدید

گمرہی سے لو بچا اور سیدھے رستے پر چلا

اے ہمارے رہنُما صلِّ علٰی خوش آمدید

مسُکراتی پھول برساتی اور اِٹھلاتی ہوئی

گُنگُناتی ہے صبا صلِّ علیٰ خوش آمدید

بُلبلیں ہیں نغمہ خواں اور پڑھ رہی ہیں قُمریاں

نعتِ پاکِ مصطَفیٰ صلِّ علیٰ خوش آمدید

سبز پرچم چار سُو لہرا رہے ہیں جشن ہے

آمدِ محبوب کا صلِّ علیٰ خوش آمدید

غم زدو غم کھاؤ مت اے بے کسو گھبراؤ مت

آگئے مشکِل کُشا صلِّ علیٰ خوش آمدید

جھوم جاؤ بے کسو امداد کرنے آگئے

خَلْق کے حاجت روا صلِّ علیٰ خوش آمدید

بے نواؤ آؤ تم، آؤ گداؤ آؤ تم

صدقہ لے لو نور کا صلِّ علیٰ خوش آمدید

آمِنہ کے گھرپہ چلتے ہیں سب آؤمل کے ساتھ

اور لگاتے ہیں صدا صلِّ علٰی خوش آمدید

بے کسو ں کے داد رس اے خلق کے فریاد رس

دور کر رنج و بلا صلِّ علٰی خوش آمدید

چشمِ رحمت کیجئے اپنی مَحبّتدیجئے

در پہ حاضِر ہے گدا صلِّ علیٰ خوش آمدید

اپنا غم دے دیجئے اور چشمِ نم دے دیجئے

در پہ حاضِر ہے گدا صلِّ علٰی خوش آمدید

دردِ عِصیاں کی دوا دو تم شفا دو تم شِفا

در پہ حاضِر ہے گدا صلِّ علٰی خوش آمدید

گنبدِ خَضرا کے جلووں سے یہ دل آباد ہو

در پہ حاضِر ہے گدا صلِّ علیٰ خوش آمدید

آپ کے قدموں میں آقا خاتِمہ بِالْخیر ہو

در پہ حاضِر ہے گدا صلِّ علٰی خوش آمدید

اب بقیعِ پاک میں دوگز زمیں دے دیجئے

در پہ حاضِر ہے گدا صلِّ علیٰ خوش آمدید

جھوم کر ہاں جھوم کر عطارؔ لب کو چوم کر

مست ہو کر دو صدا صلِّ علٰی خوش آمدید

313+ Naat Lyrics in English & Urdu

پروردگار عالم کے فضل ، کرم اور مہربانی سے ، انسانی طاقت اور بساط کے مطابق احتیاط کی گئی ہے بشری تقاضے سے اگر کوئی غلطی نظر آئے یا لفظ درست نہ ہوں تو از راہ کرم مطلع فرما دیں۔ ان شاء اللہ عزوجل جلد از جلد میں ٹھیک کر دوں گا۔

نشاندہی کےلیے ہم آپ کے بے حد مشکور ہوں گے ۔ آپ کا بہت شکریہ

tajservices99@gmail.com

More Naat Lyrics: