Main Madina Chor Aaya Lyrics in Urdu

Sunday, January 28, 2024

Naat Lyrics ll Dil Ma Hai Pershani Ho Karam Lyrics in Urdu

آہ! شاہِ بحر و بر! میں مدینہ چھوڑ آیا

کوہِ غم پڑا سر پر، میں مدینہ چھوڑ آیا

آہ! مسجدِ نبوی، ہائے گنبدِ خَضرا

آہ! روضۂ انور، میں مدینہ چھوڑ آیا

غم کے چھا گئے بادَل، دل میں مچ گئی ہَل چل

آہ! اے مرے یاور! میں مدینہ چھوڑ آیا

جب چلا تھا طیبہ کو، تھی خوشی مرے دل کو

آہ! اب ہے دل مُضطَر! میں مدینہ چھوڑ آیا

دل میں بیقراری ہے اورگِریہ طاری ہے

بہ رہی ہے چشمِ تَر، میں مدینہ چھو ڑ آیا

چُھپ گیا نگاہوں سے، آہ! سب مدینے کا

دلکش و حسیں منظر، میں مدینہ چھوڑ آیا

قلب پارہ پارہ ہے، ہجرِ شہ نے مارا ہے

آہ !میرے چارہ گر! میں مدینہ چھوڑ آیا

اب غمِ مدینہ سے، چاک چاک سینہ ہے

کیوں کہوں نہ رو رو کر، میں مدینہ چھوڑ آیا

لُطف جو ہے طیبہ میں وہ کہاں وطن میں ہے

کیا کروں گا جا کر گھر، میں مدینہ چھوڑ آیا

لَوٹ کر نہ میں آتا، کاش! جان دے دیتا

گِر کے خاکِ طیبہ پر، میں مدینہ چھوڑ آیا

آہ! دن مدینے کے، جلد جلد گزرے تھے

ہائے جلد چُھوٹا در، میں مدینہ چھوڑ آیا

دن کو بھی سُرور آتا، شب کو بھی ضَرور آتا

کیا فَضا تھی کیف آور، میں مدینہ چھوڑ آیا

تھا وہاں سماں نوری، رنج و غم سے تھی دُوری

آہ! نور کے پیکر! میں مدینہ چھوڑ آیا

وقتِ ہجر جب آیا، پھوٹ پھوٹ کر رویا

درد ناک تھا منظر، میں مدینہ چھوڑ آیا

ہِجر کا ہے صدمہ اور سینہ و جگر میرے

رکھ کے قلب پر پتّھر، میں مدینہ چھوڑ آیا

ہِجر کے میں صدموں سے، چُور چُور زخموں سے

چل رہا تھا رَو رَو کر، میں مدینہ چھوڑ آیا

جب مدینہ چُھوٹا تھا غم کا کوہ ٹُوٹا تھا

جان و دل لئے مُضطَر میں مدینہ چھوڑ آیا

سبز گنبد اور مینار، آہ! چُھٹ گئے سرکار

پھر بُلایئے سروَر، میں مدینہ چھوڑ آیا

تھا غمِ مدینہ میں ، فُرقتِ مدینہ میں

دل مرا بَہُت مُضطَر، میں مدینہ چھوڑ آیا

میرے حامی و ہَمدم! دُور ہوں جہاں کے غم

دے دو اپنا غم سروَر! میں مدینہ چھوڑ آیا

دل میں ہے پریشانی، ہو کرم اے سلطانی

آؤ خواب میں سرور! میں مدینہ چھوڑ آیا

دل کی ہے عَجب حالت، صدمہ و غمِ فُرقت

الفِراق اے سروَر !میں مدینہ چھوڑ آیا

چلدیا سفینہ ہے چُھٹ گیا مدینہ ہے

ہائے ! کیا کروں سرور میں مدینہ چھوڑ آیا

غم کی ہو گیا تصویر، آہ! ہجر ہے تقدیر

چُپ ہوا ہوں رو رو کر! میں مدینہ چھوڑ آیا

دور ہو گیا سرکار! آہ! غمزدہ عطارؔ

جلد آؤں پھر در پر، میں مدینہ چھوڑ آیا

313+ Naat Lyrics in English & Urdu

پروردگار عالم کے فضل ، کرم اور مہربانی سے ، انسانی طاقت اور بساط کے مطابق احتیاط کی گئی ہے بشری تقاضے سے اگر کوئی غلطی نظر آئے یا لفظ درست نہ ہوں تو از راہ کرم مطلع فرما دیں۔ ان شاء اللہ عزوجل جلد از جلد میں ٹھیک کر دوں گا۔

نشاندہی کےلیے ہم آپ کے بے حد مشکور ہوں گے ۔ آپ کا بہت شکریہ

tajservices99@gmail.com

More Naat Lyrics: