header ads

Khalq E Latf Khuda Hazrat Usman Hain Naat Lyric in Urdu

Sunday, March 24, 2024
 خلق پہ لطفِ خدا حضرتِ عثمان ہیں
جملہ مرض کی دَوا درد کے درمان ہیں

دستِ شہِ دوسرا جو کہ یَدُ ا للّٰہ تھا
ہاتھ بنا آپ کا آپ وہ ذِی شان ہیں

نورِ دِل و عین ہیں صاحبِ نورَین ہیں
سب کے دل کے چین ہیں مومنوں کی جان ہیں

گلشنِ دِین کی بہار مومنوں کے تاجدار
عزتِ ہر ذِی وَقار زینتِ ایمان ہیں

آپ ممدوحِ جہاں خلقِ خدا مَدح خواں
کیا ہے اَگر بدگماں چند بے ایمان ہیں

حق نے وہ رتبہ دیا تم غنی ہم سب گدا
کیا کہوں میں تم ہو کیا عقل ودل حیران ہیں

جو ہیں اِمامِ اَنام جس کے ہیں ہم سب غلام
مرجعِ ہر خاص و عام حضرتِ عثمان ہیں

بابِ سخا کھل گیا دیکھا جو یہ ماجرا
غازیانِ مصطفیٰ بے سروسامان ہیں

تم غنی سالکؔ گدا اِک نظر بہرِ خدا
آپ جہاں کے لیے رحمتِ رحمٰن ہیں




313+ Naat Lyrics in English & Urdu
 پروردگار عالم کے فضل ، کرم اور مہربانی سے ، انسانی طاقت اور بساط کے مطابق  احتیاط کی گئی ہے بشری تقاضے سے اگر کوئی غلطی نظر آئے یا لفظ درست نہ ہوں تو از راہ کرم مطلع فرما دیں۔ ان شاء اللہ عزوجل جلد از جلد میں ٹھیک کر دوں گا۔
 نشاندہی کےلیے ہم آپ کے بے حد مشکور ہوں گے ۔ آپ کا بہت شکریہ
tajservices99@gmail.com


More Naat Lyrics:


Tags: