header ads

Dil Us Hi Ko Kehte Hain Jo Ho Tera Naat Lyric in Urdu

Monday, March 25, 2024
 دِل اس ہی کو کہتے ہیں جو ہو ترا شیدائی
اورآنکھ وہ ہی ہے جو ہو تیری تماشائی

کیوں جان نہ ہو قرباں صدقہ نہ ہو کیوں اِیماں
اِیمان ملا تم سے اور تم سے ہی جاں پائی

خلقت کے وہ دُولہا ہیں محفل یہ انہی کی ہے
ہے ان ہی کے دَم سے یہ سب اَنجمن آرائی

یاشاہِ رُسل چشمے بر حالِ گدائے خود
کزحالِ تباہ وے دانائی و بینائی

بے مثل خدا کا توبے مثل پیمبر ہے
ظاہر تری ہستی سے اللہ کی یکتائی

آقاؤں کے آقا سے بندوں کو ہو کیا نسبت
اَحمق ہے جو کہتا ہے آقا کو بڑا بھائی

سینہ میں جو آجاؤ بن آئے مرے دل کی
سینہ تو مدینہ ہو دل اس کا ہو شیدائی

دل تو ہو خدا کا گھر سینہ ہو ترا مسکن
پھر کعبہ و طیبہ کی پہلو میں ہو یک جائی

اس طرح سما مجھ میں ہوجاؤں میں گم تجھ میں
پھر تو ہی تماشا ہو اور تو ہی تماشائی

اس سالکِؔ بیکس کی تم آبرو رکھ لینا
محشر میں نہ ہو جائے آقا کہیں رُسوائی


313+ Naat Lyrics in English & Urdu
 پروردگار عالم کے فضل ، کرم اور مہربانی سے ، انسانی طاقت اور بساط کے مطابق  احتیاط کی گئی ہے بشری تقاضے سے اگر کوئی غلطی نظر آئے یا لفظ درست نہ ہوں تو از راہ کرم مطلع فرما دیں۔ ان شاء اللہ عزوجل جلد از جلد میں ٹھیک کر دوں گا۔
 نشاندہی کےلیے ہم آپ کے بے حد مشکور ہوں گے ۔ آپ کا بہت شکریہ
tajservices99@gmail.com


More Naat Lyrics:



Tags: