Ghous Azam Naat Lyric in Urdu

Wednesday, March 13, 2024

اللہ برائے غوثِ اعظم

دے مجھ کو وِلائے غوثِ اعظم

دیدارِ خدا تجھے مبارک

اے محو لقائے غوثِ اعظم

وہ کون کریم صاحبِ جود

میں کون گدائے غوثِ اعظم

سوکھی ہوئی کھیتیاں ہری کر

اے اَبر سخائے غوثِ اعظم

اُمیدیں نصیب مشکلیں حل

قربانِ عطائے غوثِ اعظم

کیا تیزیٔ مہر حشر سے خوف

ہیں زیر لوائے غوثِ اعظم

وہ اَور ہیں جن کو کہئے محتاج

ہم تو ہیں گدائے غوثِ اعظم

ہیں جانبِ نالۂ غریباں

گوشِ شنوائے غوثِ اعظم

کیوں ہم کو ستائے نارِ دوزخ

کیوں رَد ہو دُعائے غوثِ اعظم

بیگانے بھی ہو گئے یگانے

دل کش ہے اَدائے غوثِ اعظم

آنکھوں میں ہے نور کی تجلی

پھیلی ہے ضیائے غوثِ اعظم

جو دَم میں غنی کرے گدا کو

وہ کیا ہے عطائے غوثِ اعظم

کیوں حشر کے دن ہو فاش پردہ

ہیں زیر قبائے غوثِ اعظم

آئینۂ رُوئے خوبرویاں

نقش کف پائے غوثِ اعظم

اے دل نہ ڈر ان بلاؤں سے اب

وہ آئی صدائے غوثِ اعظم

اے غم جو ستائے اَب تو جانوں

لے دیکھ وہ آئے غوثِ اعظم

تارِ نفسِ ملائکہ ہے

ہر تارِ قبائے غوثِ اعظم

سب کھول دے عقدہائے مشکل

اے ناخن پائے غوثِ اعظم

کیا اُن کی ثنا لکھوں حسنؔ میں

جاں باد فدائے غوثِ اعظم

313+ Naat Lyrics in English & Urdu

پروردگار عالم کے فضل ، کرم اور مہربانی سے ، انسانی طاقت اور بساط کے مطابق احتیاط کی گئی ہے بشری تقاضے سے اگر کوئی غلطی نظر آئے یا لفظ درست نہ ہوں تو از راہ کرم مطلع فرما دیں۔ ان شاء اللہ عزوجل جلد از جلد میں ٹھیک کر دوں گا۔

نشاندہی کےلیے ہم آپ کے بے حد مشکور ہوں گے ۔ آپ کا بہت شکریہ

tajservices99@gmail.com

More Naat Lyrics: