header ads

AapKe Dar Ki Ajab Tauqeer Hai Naat Lyric in Urdu

Sunday, March 17, 2024
 آپ کے دَر کی عجب توقیر ہے
جو یہاں کی خاک ہے اِکسیر ہے

کام جو اُن سے ہوا پورا ہوا
اُن کی جو تدبیر ہے تقدیر ہے

جس سے باتیں کی انہیں کا ہوگیا
واہ کیا تقریر پرتاثیر ہے

جو لگائے آنکھ میں محبوب ہو
خاکِ طیبہ سرمۂ تسخیر ہے

صدرِ اَقدس ہے خزینہ راز کا
سینہ کی تحریر میں تحریر ہے

ذَرَّہ ذَرَّہ سے ہے طالع نورِ شاہ
آفتابِ ُحسن عالمگیر ہے

لطف کی بارش ہے سب شاداب ہیں
اَبر جودِ شاہ عالمگیر ہے

مجرمو اُن کی قدم پر لوٹ جاؤ
بس رِہائی کی یہی تدبیر ہے

یانبی مشکل ُکشائی کیجیے
بندۂ دَر بے دِل و دِل گیر ہے

وہ سراپا لطف ہیں شانِ خدا
وہ سراپا نور کی تصویر ہے

کان ہیں کانِ کرم جانِ کرم
آنکھ ہے یا چشمۂ تنویر ہے

جانے والے چل دئیے ہم رہ گئے
اپنی اپنی اے حسنؔ تقدیر ہے




313+ Naat Lyrics in English & Urdu
 پروردگار عالم کے فضل ، کرم اور مہربانی سے ، انسانی طاقت اور بساط کے مطابق  احتیاط کی گئی ہے بشری تقاضے سے اگر کوئی غلطی نظر آئے یا لفظ درست نہ ہوں تو از راہ کرم مطلع فرما دیں۔ ان شاء اللہ عزوجل جلد از جلد میں ٹھیک کر دوں گا۔
 نشاندہی کےلیے ہم آپ کے بے حد مشکور ہوں گے ۔ آپ کا بہت شکریہ
tajservices99@gmail.com


More Naat Lyrics:


Tags: