اے کریم ابنِ کریم اے رہنما اے مقتدا
اَخترِ برجِ سخاوَت گوہر دُرجِ عطا
آستانے پر ترے حاضر ہے یہ تیرا گدا
لاج رکھ لے دست و دامن کی مِرے بہرِ خدا
روئے رحمت برمتاب اے کامِ جاں اَز رُوئے من
حرمتِ روحِ پیمبر یک نظر ُکن سوئے من
شاہِ اِقلیمِ وِلایت سرورِ کیواں جناب
ہے تمہارے آستانے کی زمیں گردوں قباب
حسرتِ دل کی کشاکش سے ہیں لاکھوں اِضطراب
التجا مقبول کیجے اپنے سائل کی شتاب
روئے رحمت برمتاب اے کامِ جاں اَز رُوئے من
حرمتِ روحِ پیمبر یک نظر ُکن سوئے من
سالک راہِ خدا کو رہنما ہے تیری ذات
مسلک عرفانِ حق میں پیشوا ہے تیری ذات
بے نوایانِ جہاں کا آسرا ہے تیری ذات
تشنہ کاموں کے لئے بحر عطا ہے تیری ذات
روئے رحمت برمتاب اے کامِ جاں اَز رُوئے من
حرمتِ روحِ پیمبر یک نظر ُکن سوئے من
ہر طرف سے فوجِ غم کی ہے چڑھائی اَلغِیاث
کرتی ہے پامال یہ بے دست و پائی اَلغِیاث
پھر گئی ہے شکل قسمت سب خدائی اَلغِیاث
اے مِرے فریاد رَس تیری دُہائی اَلغِیاث
روئے رحمت برمتاب اے کامِ جاں اَز رُوئے من
حرمتِ روحِ پیمبر یک نظر ُکن سوئے من
نفسِ اَمَّارہ کے پھندے میں پھنسا ہوں اَلعِیاذ
دَر ترا بیکس پنہ کوچہ ترا عالم مَلاذ
رحم فرما یا ملاذی لطف فرما یا مَعاذ
حاضرِ دَر ہے غلامِ آستاں بہرِ نواز
روئے رحمت برمتاب اے کامِ جاں اَز رُوئے من
حرمتِ روحِ پیمبر یک نظر ُکن سوئے من
شہر یار اے ذی وقار اے باغِ عالم کی بہار
بحرِ اِحساں رُشحۂ نیسانِ جود کردِگار
ہوں خزانِ غم کے ہاتھوں پائمالی سے دوچار
عرض کرتا ہوں تِرے در پر بچشمِ اَشکبار
روئے رحمت برمتاب اے کام جاں اَز رُوئے من
حرمتِ روحِ پیمبر یک نظر ُکن سوئے من
بر سر پرخاش ہے مجھ سے عدوئے بے تمیز
رات دن ہے دَرپئے قلب حزیں نفس رَجیز
مبتلا ہے سو بلاؤں میں مری جانِ عزیز
حل مشکل آپ کے آگے نہیں دُشوار چیز
روئے رحمت برمتاب اے کامِ جاں اَز رُوئے من
حرمتِ روحِ پیمبر یک نظر ُکن سوئے من
اِک جہاں سیرابِ فیض اَبر ہے اب کی برس
ترنوا ہیں بلبلیں پڑتا ہے گوشِ گل میں رَس
ہے یہاں کشت تمنا خشک و زِندانِ قفس
اے سحابِ رحمت حق سوکھے دھانوں پر برس
روئے رحمت برمتاب اے کام جاں اَز رُوئے من
حرمتِ روحِ پیمبر یک نظر ُکن سوئے من
فصلِ گل آئی عروسانِ چمن ہیں سبز پوش
شادمانی کا نوا سنجانِ گلشن میں ہے جوش
جوبنوں پر آگیا حسن بہارِ گل فروش
ہائے یہ رنگ اور میں یوں دام میں گم کردہ ہوش
روئے رحمت برمتاب اے کامِ جاں اَز رُوئے من
حرمتِ روحِ پیمبر یک نظر ُکن سوئے من
منکشف کس پر نہیں شانِ ُمعلی کا عروج
آفتابِ حق نما ہو تم کو ہے زیبا عروج
میں حضیض غم میں ہوں اِمداد ہو شاہا عروج
ہر ترقی پر ترقی ہو بڑھے دُونا عروج
روئے رحمت برمتاب اے کام جاں اَز رُوئے من
حرمتِ روحِ پیمبر یک نظر ُکن سوئے من
تاُکجا ہو پائمالِ لشکر اَفکارِ رُوح
تابکے ترساں رہے بے مونس و غمخوارِ رُوح
ہو چلی ہے کاوِشِ غم سے نہایت زَار رُوح
طالب اِمداد ہے ہر وقت اے دِلدار رُوح
روئے رحمت برمتاب اے کامِ جاں اَز رُوئے من
حرمتِ روحِ پیمبر یک نظر ُکن سوئے من
دَبدبہ میں ہے فلک شوکت ترا اے ماہِ کاخ
دیکھتے ہیں ٹوپیاں تھامے گدا و شاہِ کاخ
قصر جنت سے فزوں رکھتا ہے عزو جاہِ کاخ
اب دکھا دے دیدۂ مشتاق کو لِلّٰہ کاخ
روئے رحمت برمتاب اے کام جاں اَز رُوئے من
حرمتِ روحِ پیمبر یک نظر ُکن سوئے من
تُوبہ سائل اور تیرے دَر سے پلٹے نامراد
ہم نے کیا دیکھے نہیں غمگین آتے جاتے شاد
آستانے کے گدا ہیں قیصر و کسریٰ قباد
ہو کبھی لطف و کرم سے بندۂ مضطر بھی یاد
روئے رحمت برمتاب اے کامِ جاں اَز رُوئے من
حرمتِ روحِ پیمبر یک نظر ُکن سوئے من
دیکھ کر اس نفس بد خصلت کی یہ زشتیٔ خواص
سوزِ غم سے دِل پگھلتا ہے مرا شکل رِصاص
کس سے مانگوں خونِ حسرت ہائےکشتہ کاقصاص
مجھ کو اس موذی کے چنگل سے عطا کیجے خلاص
روئے رحمت برمتاب اے کام جاں اَز رُوئے من
حرمتِ روحِ پیمبر یک نظر ُکن سوئے من
ایک تو ناخن بدل ہے شدتِ اَفکارِ قرض
اس پر اَعدا نے نشانہ کر لیا ہے مجھ کو فرض
فرض اَدا ہو یا نہ ہو لیکن مرا آزار فرض
رَد نہ فرماؤ خدا کے واسطے سائل کی عرض
روئے رحمت برمتاب اے کامِ جاں اَز رُوئے من
حرمتِ روحِ پیمبر یک نظر ُکن سوئے من
نفس و شیطاں میں بڑھےہیں سو طرح کے اِختلاط
ہر قدم دَر پیش ہے مجھ کو طریق پل صراط
بھولی بھولی سی کبھی یاد آتی ہے شکلِ نشاط
پیش بارِ کوہ کاہِ ناتواں کی کیا بساط
روئے رحمت برمتاب اے کام جاں اَز رُوئے من
حرمتِ روحِ پیمبر یک نظر ُکن سوئے من
آفتوں میں پھنس گیا ہے بندۂ دَر اَلحفیظ
جان سے سو کاہشوں میں دَم ہے مضطر اَلحفیظ
ایک قلب ناتواں ہے لاکھ نشتر اَلحفیظ
المدد اے داد رَس اے بندہ پروَر اَلحفیظ
روئے رحمت برمتاب اے کامِ جاں اَز رُوئے من
حرمتِ روحِ پیمبر یک نظر ُکن سوئے من
صبح صادِق کا کنارِ آسماں سے ہے طلوع
ڈَھل چکا ہے صورتِ شب حسن رُخسارِ شموع
طائروں نے آشیانوں میں کئے نغمے شروع
اورنہیں آنکھوں کواب تک خوابِ غفلتسے رُجوع
روئے رحمت برمتاب اے کام جاں اَز رُوئے من
حرمتِ روحِ پیمبر یک نظر ُکن سوئے من
بدلیاں چھائیں ہوا بدلی ہوئے شاداب باغ
غنچے چٹکے پھول مہکے بس گیا دِل کا دماغ
آہ اے جورِ قفس دِل ہے کہ محرومی کا داغ
واہ اے لطف صبا گل ہے تمنا کا چراغ
روئے رحمت برمتاب اے کامِ جاں اَز رُوئے من
حرمتِ روحِ پیمبر یک نظر ُکن سوئے من
آسماں ہے قوس فکریں تیر میرا دِل ہدف
نفس و شیطاں ہر گھڑی کف برلب و خنجر بکف
منتظر ہوں میں کہ اب آئی صدائے لَاتَخَفْ
سروَرِ دِیں کا تصدق بہر سلطانِ نجف
روئے رحمت برمتاب اے کام جاں اَز رُوئے من
حرمتِ روحِ پیمبر یک نظر ُکن سوئے من
بڑھ چلا ہے آج کل اَحباب میں جوشِ نفاق
خوش مذاقانِ زمانہ ہو چلے ہیں بد مذاق
سیکڑوں پردوں میں پوشیدہ ہے حسن اِتفاق
بر سرِ پیکار ہیں آگے جو تھے اَہل وِفاق
روئے رحمت برمتاب اے کامِ جاں اَز رُوئے من
حرمتِ روحِ پیمبر یک نظر ُکن سوئے من
ڈَر دَرِندوں کا اَندھیری رات صحرا ہولناک
راہ نا معلوم رَعشہ پاؤں میں لاکھوں مَغاک
دیکھ کر اَبر سیہ کو دِل ہوا جاتا ہے چاک
آئیے اِمداد کو ورنہ میں ہوتا ہوں ہلاک
روئے رحمت برمتاب اے کام جاں اَز رُوئے من
حرمتِ روحِ پیمبر یک نظر ُکن سوئے من
ایک عالم پر نہیں رہتا کبھی عالم کا حال
ہر کمالے را زَوال و ہر زَوالے را کمال
بڑھ چکیں شب ہائے فرقت اب توہو رَوزِ وِصال
مہر ادھر منہ کر کہ میرے دِن پھریں دِل ہو نہال
روئے رحمت برمتاب اے کامِ جاں اَز رُوئے من
حرمتِ روحِ پیمبر یک نظر ُکن سوئے من
گو چڑھائی کر رہے ہیں مجھ پر اَندوہ و اَلم
گو پیاپے ہو رہے ہیں اہل عالم کے ستم
پر کہیں چھٹتا ہے تیرا آستاں تیرے قدم
چارۂ دردِ دلِ مضطر کریں تیرے کرم
روئے رحمت برمتاب اے کام جاں اَز رُوئے من
حرمتِ روحِ پیمبر یک نظر ُکن سوئے من
ہیں کمر بستہ عداوَت پر بہت اَہل زَمن
ایک جانِ ناتواں لاکھوں اَلم لاکھوں محن
سن لے فریادِ حسنؔ فرما دے اِمدادِ حسن
صبح محشر تک رہے آباد تیری اَنجمن
روئے رحمت برمتاب اے کامِ جاں اَز رُوئے من
حرمتِ روحِ پیمبر یک نظر ُکن سوئے من
ہے ترے اَلطاف کا چرچا جہاں میں چار سو
شہرۂ آفاق ہیں یہ خصلتیں یہ نیک خو
ہے گدا کا حال تجھ پر آشکارا مو بمو
آج کل گھیرے ہوئے ہیں چار جانب سے عدو
روئے رحمت برمتاب اے کام جاں اَز رُوئے من
حرمتِ روحِ پیمبر یک نظر ُکن سوئے من
شام ہے نزدیک منزل دُور میں گم کردہ راہ
ہر قدم پر پڑتے ہیں اس دَشت میں خس پوش جاہ
کوئی ساتھی ہے نہ رہبر جس سے حاصل ہو پناہ
اَشک آنکھوں میں قلَق دِل میں لبوں پر آہ آہ
روئے رحمت برمتاب اے کامِ جاں اَز رُوئے من
حرمتِ روحِ پیمبر یک نظر ُکن سوئے من
تاج والوں کو مبارک تاجِ زَر تخت شہی
بادشاہ لاکھوں ہوئے کس پر پھلی کس کی رہی
میں گدا ٹھہروں ترا میری اسی میں ہے بہی
ظل دامن خاکِ دَر دیہیم و افسر ہے یہی
روئے رحمت برمتاب اے کامِ جاں اَز رُوئے من
حرمتِ روحِ پیمبر یک نظر ُکن سوئے من
پروردگار عالم کے فضل ، کرم اور مہربانی سے ، انسانی طاقت اور بساط کے مطابق احتیاط کی گئی ہے بشری تقاضے سے اگر کوئی غلطی نظر آئے یا لفظ درست نہ ہوں تو از راہ کرم مطلع فرما دیں۔ ان شاء اللہ عزوجل جلد از جلد میں ٹھیک کر دوں گا۔
نشاندہی کےلیے ہم آپ کے بے حد مشکور ہوں گے ۔ آپ کا بہت شکریہ
tajservices99@gmail.com
More Naat Lyrics:
- Madine Ka Safar Hai Lyrics in English & Urdu
- Sarwar Kahoon Ke Malik O Maula Lyrics in English & Urdu
- Har Waqt Tasawwur Mein Madine Ki Gali Ho Lyrics in English & Urdu
- Pur Noor Hai Zamana Subhe Shabe Wiladat Lyrics in Urdu
- Yaad e Watan Sitam Kiya Lyrics in Urdu
- Ya Khuda Behre Janab E Mustafa Imdad Kun Naat Lyrics in Urdu
- Ya ilahi Reham Farma Mustafa Ke Waste Lyrics in Urdu
- Yaad-e-Watan Sitam Kiya Naat Lyrics in Urdu
- Ya Elahi Har Jaga Teri Ata Ka Sath Ho Lyrics in Urdu
- Wo Soye Lala Zar Phirte Hain Lyrics in Urdu
- Wo Kamal-e-Husne Huzoor Hain Lyrics in Urdu
- Wasf e Rukh Unka Kiya Krte Hen Lyrics in Urdu
- Nai Janda Zamana Azmat Siddique Di ll Lyrics In Punjabi, Urdu & Video
- Wah Kya Martaba Ae Ghous Hai Bala Tera Lyrics in Urdu
- Woh Sarware kishware Risalat Lyrics in Urdu
- Wohi Rab Hai Jisne Tujh Ko Naat Lyrics in Urdu
- Wah Kya Jood o Karam Hai Shah e Batha Tera Naat Lyrics in Urdu
- Kalam e Ilahi Lyrics in Urdu
- Hai Lab e Essa se Jaan Bakhshi Nirali Hath me Lyrics in Urdu
- Hum Khak Hain Lyrics in Urdu
- Aya Hai Bulawa Phir Ek Bar Madine Ka Lyrics in Urdu
- Aaj Taiba Ka Hai Safar Aaqa Lyrics in Urdu
- Aamad e Mustafa Marhaba Lyrics in Urdu
- Nazar ek chaman se do char hai Lyrics in Urdu
- Na Aasman ko Yun sarkashida hona tha Lyrics in Urdu
- Naimatain Banta Jis Simt Wo Zeeshan Gaya Lyrics in Urdu
- Nare Dozakh Ko Chaman Kr De Lyrics in Urdu
- Nabi Sarware har Rasool o Wali he Lyrics in Urdu
- Na Arsh e Aiman na Lyrics in Urdu
- Khuda Ka Zikr Kare Zikr-E-Mustafa Na Kare Lyrics in Urdu
- Sab se Aula o Aala Hamara Nabiﷺ Lyrics in Urdu
- Aah Har Lamha Gunah Ki Kasrat o Bharmaar Hay Lyrics in Urdu
- Aaj Hay Jashn e Wiladat Marhaba Ya Mustafa Lyrics in Urdu
- Haye Ab Waqt e Rukhsat Aya Hain Haye Lyrics in Urdu
- Aap ki Nisbat Aye Nana-e-Hussain Lyrics in Urdu
- Aap Aqaoun Ke Aaqa Aap Hain Shah e Anaam Lyrics in Urdu
- Aa Gaye Hain Mustafa Lyrics in Urdu
- Main Madina Chor Aaya Lyrics in Urdu
- Huzoor Meri to Sari Bahar Aap Se Hai Lyrics in Urdu
- Zameen Maili Nahi Hoti Lyrics in Urdu
- Zamino Zamaan Tumhare Liye Naat Lyrics in English
- Ya Ilahi Naat Lyrics in Urdu
- Aye Raza Martaba Kitna Hua Bala Tera Lyrics in Urdu
- Hey Arshe Bareen Par Jalwa Figan Mehboob e Khuda Naat Lyrics In Urdu
- Dil Mera GadGadti Rehi Naat Lyrics in Urdu
- Muhammad Mustafa Noor e Khuda Naat Lyrics in Urdu
- Gunahgaron Ka Roz e Mehshar Naat Lyrics in Urdu
- Shahid Gul Hai Masta Naz Naat Lyrics In Urdu
- Hamda Bari Tala Naat Lyrics in Urdu
- Chand sa un ka chehra pa Naat Lyrics in Urdu
- Chashma Dil Chaya Jo Anwar Se Rabta Lyrics in Urdu
- Tera Zuhoor Hua Chashm e Noor Ki Ronaq Lyrics in Urdu
- Huzoor e Kaaba Hazir Hain Haram Ki Khak Per Layric in Urdu
- Shab e Meraj Naat Lyrics in Urdu