Jo Ho Sir Ko Rasaahi Un Ka Dir Tak Lyrics in Urdu

Thursday, February 15, 2024

جو ہو سر کو رَسائی اُن کے دَر تک

تو پہنچے تاجِ عزت اپنے سر تک

وہ جب تشریف لائے گھر سے دَر تک

بھکاری کا بھراہے دَر سے گھر تک

دُہائی ناخدائے بے کساں کی

کہ سیلابِ اَلم پہنچا کمر تک

الٰہی دل کو دے وہ سوزِ اُلفت

پھنکے سینہ جلن پہنچے جگر تک

نہ ہو جب تک تمہارا نام شامل

دعائیں جا نہیں سکتیں اَثر تک

گزر کی راہ نکلی رَہ گزر میں

ابھی پہنچے نہ تھے ہم ان کے در تک

خدا یوں اُن کی اُلفت میں گمادے

نہ پاؤں پھر کبھی اپنی خبر تک

بجائے چشم خود اُٹھ تا نہ ہو آڑ

جمالِ یار سے تیری نظر تک

تری نعمت کے بھوکے اَہل دولت

تری رحمت کا پیاسا اَبر تک

نہ ہوگا دو قدم کا فاصلہ بھی

الٰہ آباد سے اَحمد نگر تک

تمہارے حُسن کے باڑے کے صدقے

نمک خوارِ َملاحت ہے قمر تک

شبِ معراج تھے جلوے پہ جلوے

شبستانِ دَنیٰ سے ان کے گھر تک

بلائے جان ہے اب وِیرانیٔ دل

چلے آؤ کبھی اس اُجڑے گھر تک

نہ کھول آنکھیں نگاہِ شوقِ ناقص

بہت پردے ہیں حسن جلوہ گر تک

جہنم میں دھکیلیں نجدیوں کو

حسنؔ جھوٹوں کو یوں پہنچائیں گھر تک

313+ Naat Lyrics in English & Urdu

پروردگار عالم کے فضل ، کرم اور مہربانی سے ، انسانی طاقت اور بساط کے مطابق احتیاط کی گئی ہے بشری تقاضے سے اگر کوئی غلطی نظر آئے یا لفظ درست نہ ہوں تو از راہ کرم مطلع فرما دیں۔ ان شاء اللہ عزوجل جلد از جلد میں ٹھیک کر دوں گا۔

نشاندہی کےلیے ہم آپ کے بے حد مشکور ہوں گے ۔ آپ کا بہت شکریہ

tajservices99@gmail.com

More Naat Lyrics: